मलवारा खबर
टीकापुर १६ साउन– कैलालीमा अविरल वर्षापछि नदीमा आएको बाढीसँगै बेपत्ता भएका थप एक जनाको शव फेला परेको छ।यो शब सहित तीनजनाको शब फेला परेको छ । भजनी नगरपालिका वडा नं. ८ का चक्र बहादुर बिकको शव समेत शुक्रबार फेला पारेको हो।
भजनी प्रहरीका अनुसार बुधबार बेपत्ता भएका बिकको शव शुक्रबार दिउसो फेला पारेको हो । बेपत्ता भएका इश्वर शाहको शबपनि शुक्रबार बिहान फेला परेको हो भने स्केल चौधरीको शव बिहिबार फेला परेको थियो।
जिल्लाका विभिन्न ठाउँमा बाढीले सयौं घर परिवार विस्थापित भएका छन । बिस्थापित परिवारहरु आफन्तको घर र सडकमा नै बस्दै आएका छन ।
