काठमाडौं । राष्ट्रिय प्रजातन्त्र पार्टी (राप्रपा)का कार्यसम्पादन समिति सदस्य ठाकुरमोहन श्रेष्ठमाथि पार्टी कार्यालयमै कुटपिट भएको छ । उनीमाथि आइतबार बिहान कुटपिट भएको हो ।
पार्टीको केन्द्रीय कार्यसम्पादन समितिको बैठक हलबाट बाहिर निस्कँदै गर्दा श्रेष्ठमाथि आक्रमण भएको नेता दीपकबहादुर सिंहले बताए । उनले आक्रमण गर्नेहरू पार्टीभन्दा बाहिरका रहेका र उनीहरू फरार रहेका बताए ।
उनीहरुको खोजीका लागि प्रहरीलाई जानकारी गराएको नेता सिंहले बताए ।
