जीवन लुइँटेलले ७ वर्षपछि अभिनयमा फर्कने तयारी गरिरहेका छन् र साउन पहिलो साता कान्तिपुर थिएटरमा ुशिरिषको फूलु नाटकमा मुख्य पात्र सुयोगवीरको भूमिका निभाउनेछन् ।
उनले अनलाइनखबरको स्टुडियोमा अमेरिका बसाइ, त्यहाँ बिताएका सुखदुःख र आगामी करिअर योजनाबारे कुराकानी गरेका छन् ।
क्रिकेटलाई पछ्याउनुहुन्छ भने जीवन लुइँटेलको अभिनयमा पनि ‘दोस्रो इनिङ्स’ सुरु भएको छ । ७ वर्षपछि ‘पूर्वमिस्टर नेपाल’ अहिले अभिनयमा फर्किने तयारीमा छन् । साउन पहिलो साता कान्तिपुर थिएटरले पारिजातको चर्चित उपन्यास ‘शिरिषको फूल’लाई नाटकको रुपमा मञ्चन गर्दैछ । यसको मुख्य पात्र सुयोगवीरको रोलमा उनी देखिनेछन् ।
अनि सुरु हुनेछ जीवनको जीवनमा अभिनयको दोस्रो इनिङ्स । यसलाई उनको ७ वर्षपछिको जबर्जस्त पुनरागमन पनि भन्न सकिएला । यसै सप्ताहन्तमा अनलाइनखबरको स्टुडियोमा जीवनले अमेरिका बसाइ र त्यहाँ बिताएका सुखदुःख, आगामी समय र करिअर योजनाबारे कुराकानी गरे ।
