अछाम । अछाम जिल्लाको ढकारी गाउँपालिका – ३ मा धारिलो हतियार प्रहार बाट एक युवकको मृत्यु भएको छ । स्थानिय २० वर्षीय देवेन्द्र थापाको मृत्यु भएको स्थानियले बताएका छन । साथै १६ वर्षीय रुद्र थापा घाईते भएका छन् ।
मंगलबार बिहान हत्या गरेको अवस्थामा २० वर्षीय थापाको शव फेला परेको प्रहरीले जनाएको छ । उनको शरीरमा धारिलो हतियार प्रहार गरिएको दृष्य देखिएको स्थानिय बासिन्दाले बताए ।
यस्तै गम्भीर घाइते अवस्थामा भेटिएका १६ वर्षीय रुद्र थापालाई थप उपचारका लागि कोहलपुर पठाइएको छ ।
मृतकको शव परीक्षणका लागि जिल्ला अस्पतालमा राखिएको छ । यस्तै हत्यामा संलग्न भएको आशंकामा प्रहरीले १ जनालाई पक्राउ गरेको छ । पक्राउ पर्नेमा ढकारी गाउँपालिकाकै नरेन्द्र बहादुर बुढा रहेका छन् ।
प्रहरीले बुढालाई हत्यामा संलग्न भएको आशंकामा पक्राउ गरेको र थप अनुसन्धान भई रहेको जनाएको छ ।
