अछाम । अछाम जिल्लामा थप ४८ जना कोरोना संक्रमित भएकाछन । जिल्लाको कमल बजारमा रहेको पिसिआर प्रयोगशालामा भएको परिक्षणमा थप ४८ जनामा संक्रमण पुष्टि भएको हो । प्रयोगशालाका सुचना अधिकारी टेक बहादुर बिष्टका अनुसार अछामका ४० सहित थप ४८ जनामा कोरोना देखिएको हो ।
उनले मंगलसेन नगरपालिकाका २५ जना, कमलबजार नगरपालिकामा ४ जना, तुर्माखाँद गाँउपालिकामा ४ जना, बान्नीगढी गाँउपालिकामा ३ जना, चौरपाटी गाँउपालिकामा २ जना, ढकारी गाँउपालिकाका १ जना र रामारोशन गाँउपालिकामा १ जनामा संक्रमण पुष्टि भएको बताए ।
यस्तै जिल्ला बाहिर घर भएर अछाम जिल्लामा कार्यरत रहेका अन्य ८ जनामा समेत कोरोना पोजेटिभ देखिएको प्रयोगशालाका सुचना अधिकारी बिष्टले भने ।
