घोडाघोडीको प्रतिखेतमा प्रहरी पोष्टको उद्घाटन

शेयेर गर्नुहोस

वीरेन्द्र शाह,
सुखड। कैलालीको घोडाघोडीमा अस्थाई प्रहरी पोष्टको उद्घाटन गरिएको छ । पालिकाको वडा नम्बर ६ स्थित प्रतिखेतमा सुदूरपश्चिम प्रदेश सांसद अमर बहादुर साउँदले एक कार्यक्रमका बिच प्रहरी पोष्टको उद्घाटन गरेका छन् । समाजमा शान्ति सुरक्षा कायम गर्दै जनतालाई सुरक्षाको अनुभूति दिलाउने उद्देश्यका साथ अस्थायी प्रहरी पोष्टको स्थापना गरिएको हो ।

कार्यक्रममा बोल्दै सांसद साउँदले प्रहरीको पहुँचले गर्दा समाजमा हुने नकारात्मक क्रियाकलापहरूमा कमी आउने विश्वास व्यक्त गरेका छन् । विकट ठाउँमा अस्थाई प्रहरी पोष्ट हुनु खुसीको कुरा भएको उनले बताए । अस्थाई प्रहरी पोस्ट स्थापना हुँदा गाउँ घरमा हुने आपराधिक क्रियाकलाप नियन्त्रण हुनुको साथै शान्ति सुरक्षाको प्रत्याभूति हुने उनले बताए ।

यसको स्तर उन्नतिको लागी प्रदेश सरकारले आवश्यक पहलकदमी गर्ने आश्वासन दिएका छन् । यस्तै घोडाघोडी नगरपालिकाका नगर प्रमुख ममता प्रसाद चौधरीले यो प्रहरी पोष्टलाई क्षमता वान र स्रोत साधन सम्पन्न गर्नको लागी स्थानीयहरूको महत्त्वपूर्ण सहयोग हुने पर्नेमा जोड दिए । नगरपालिकाले आफ्नो तर्फ बाट गर्ने सर सहयोग गर्ने उनले बताए । शान्ति सुरक्षा कायम गर्नु प्रहरीको मात्र नभएर आम सर्वसाधारण व्यक्तिहरूको भूमिका पनि उत्तिकै महत्त्वपूर्ण रहने उनले बताएका छन् ।

यस्तै कार्यक्रममा बोल्दै कैलालीका प्रमुख जिल्ला अधिकारी खगेन्द्र प्रसाद रिजालले यस ठाउँमा हुने अपराधका घटनाहरू र प्रहरी बाट हुने कमी कमजोरीहरूको सूचना दिन उनले सर्वसाधारण व्यक्तिहरूलाई आग्रह गरे । कमी कमजोरीहरूलाई नियन्त्रण गर्न आफू लागु लाग्ने प्रतिबद्धता उनले गरेका छन् ।

अस्थाई प्रहरी पोष्ट स्थापना भए पछि त्यसलाई सुविधा सम्पन्न गर्न र स्रोत साधनले सम्पन्न गर्नको लागी उनले स्थानीय र प्रदेश सरकारलाई आग्रह गरेका छन् । प्रहरीले मात्र एक्लैले अपराध नियन्त्रण गर्न नसक्ने हुँदा स्थानीयहरूको पनि उत्तिकै साथ सहयोग भएको खण्डमा जस्ता सुकै अपराधहरू नियन्त्रण गर्न सकिने प्रमुख जिल्ला अधिकारी खगेन्द्र प्रसाद रिजालले बताए ।

यस्तै कार्यक्रममा सहभागी जिल्ला प्रहरी कार्यालय कैलालीका प्रमुख प्रहरी उपरीक्षक विश्व अधिकारीले प्रहरी र स्थानीयवासीको सम्बन्ध नङ र मासु जस्तो हुन आवश्यक हुने बताए । समाजमा हुने विभिन्न गलत क्रियाकलाप नियन्त्रण गर्न प्रहरी पोष्टले ठुलो भूमिका खेल्ने भएकाले स्थानीयले समेत आवश्यक सहयोग र समन्वय गर्न आग्रह गरेका छन् ।

वडा अध्यक्ष विनोद विश्वकर्माको अध्यक्षतामा भएको कार्यक्रममा प्रदेश सांसद, प्रमुख जिल्ला अधिकारी, कैलाली प्रहरी प्रमुख, नगर प्रमुख सँगै उप–प्रमुख, अन्य वडा अध्यक्षहरू तथा सरोकारवालाको उपस्थिति रहेको थियो । अस्थायी प्रहरी पोष्टमा प्रहरी सहायक निरीक्षकको नेतृत्वमा ६ जना प्रहरी परिचालन हुने भएका छन् । प्रतिखेतमा अस्थाई प्रहरी पोस्ट स्थापनाको लागी वडा अध्यक्ष विनोद विश्वकर्मा,इलाका प्रहरी कार्यालय सुखडका प्रमुख सागर बोहरा लगायत विभिन्न व्यक्तिहरूको महत्त्वपूर्ण भूमिका रहेको छ ।

घर आगमनै प्रहरी पहुँच पुग्दा स्थानीयवासी निकै हर्षित र खुसी भएका छन् । प्रहरी पोस्टको स्थापनाले स्थानीयलाई सुरक्षाको अनुभूति दिलाएको छ भने स्थानीयहरू खुसी समेत भएका छन् । अहिले सम्म घोडाघोडीकाका ३ ठाउँमा अस्थाई प्रहरी पोष्ट स्थापना भएका छन् । (साभारः कैलाली खबर)

amazed