गणेश क्षेत्री,
नारायणपुर । नव युवा क्लब सत्तीको आयोजनामा टीकापुर नगरपालिका ७ सत्तिमा दसैंको अवसरमा बृहत साँस्कृतिक कार्यक्रम तथा चिठ्ठा कार्यक्रमको आज नतिजा सप्पन्न गरेको छ ।
क्लबका अध्यक्ष धर्म घर्ती मगरको सभापतित्वमा उक्त कार्यक्रम सम्पन्न भएको हो । सो कार्यक्रममा टीकापुर नगरपालिका वडान ७ का अध्यक्ष रामलाल डगौरा थारु प्रमुख अतिथी रहनुभएको थियो । त्यस्तै विशिष्ट अतिथिमा सामुदायिक सहकारी संस्था सत्तीका अध्यक्ष हरिकुमार कार्की रहनुभएको थियो ।
कार्यक्रमका प्रमुख अतिथी डगौराले कोरोनाको महामारीबाट केही राहत मिलेको समयमा गरिएको सांस्कृतिक कार्यक्रमले मनोरञ्जन त दिनेनै छ र विभिन्न भेसभुसा , विभिन्न समुदायका ब्यक्तिहरुको जमघट हुनेहुनाले पनि मेलमिलाप र भाइचाराको सम्बन्ध बढ्ने बताउनुभयो ।
प्रमुख अतिथिले क्लबको गतिविधि समुदाय र समाजको हितको लागि हुनेगरेको आफुले पाएकोले क्लब लाई वडाले सधै सहयोग गर्ने बताउनुभयो ।
विशिष्ट अतिथी हरि कुमार कार्किले स्थापनाको छोटो समयमा नै जनचेतना मुलक कार्यक्रम गरेर जनतामा सकारात्मक सन्देश दिएको बताउनुभयो ।
क्लबका सचिब दीपेन्द्र श्रेष्ठको स्वागत मन्तव्य सङ्गै सुरुभएको कार्यक्रम मा पत्रकार गणेश क्षेत्री, समाजसेवी यज्ञ न्यौपाने लगायतले शुभकामना मन्तव्य ब्यक्त गर्नुभएको थियो ।
साँस्कृतिक कार्यक्रममा सोनाहा सामुदायको पहिलो चर्चित गायिका सन्जिना सोनाहा , मोडेल तथा डान्सर दिपिका घोरचर , साबित्रा चौधरी , डान्सर अन्जना चौधरी , सनसाइन डान्श स्टुडियोज सत्ती , मोडल तथा डान्शर ओम प्रकाश ग्रुप,नव युवा क्लब को डान्स ग्रुप , भानु सामुदायिक पुस्तकालय को ट्याग गर्ल समूह ,पदमपुर युवा क्लब समूह , सत्ती किसान समुह को साथै स्थानीय कलाकार को बेजोड प्रस्तुति रहेको थियो ।
सभापतिको आसन बाट बोल्दै अध्यक्ष धर्म घर्तिमगर ले क्लबमा इमानदारीता ,जवाफदेहीता र गतिशीलता लाई प्राथमिकतामा राखिएको बताउनुभयो ।
अध्यक्ष घर्तिले कला र सस्कृती देशको धरोहर भएको बताउदै कला र सस्कृती हराएमा मुलुक को अस्तित्व नै धरापमा पर्नेहुनाले सबै मिलेर कला र सस्कृतुको जगेर्ना गर्नुपर्ने बताउनुभयो ।
कार्यक्रममा चिठ्ठाको नतिजा सार्बजनिक गरिएको थियो । प्रथम पुरुस्कार २० किलोको खसी कृष्ण साउँद , द्वितीय पुरुस्कार लेडिज साइकल सस्कार ठकुल्ला , तृतीय पुरुस्कार रमेस रावल र सान्त्वना पुरुस्कार ५ जनालाई जनही १ हजार का दरले प्रदान गरिएको थियो ।
तेसैगरी कार्यक्रम समाजिक क्षेत्रमा उल्लेखनीय योगदान गर्ने ३ जनालाइ सम्मानित गरियको थियो ।टीकापुर दैनिकका प्रमुख सम्बाददाता गणेश क्षेत्रीले क्लब को गतिबिधी प्रकाश पारेको र पत्रकारिताको माध्यम बाट सचेतना तथा खबरदारी गर्ने कार्यमा अग्रणि भुमिका खेलेको ले सम्मानित गरियको थियो ।
त्यसैगरी समाजसेवी बासुदेब राजभन्डारी र स्वास्थकर्मी गोमादेबी ढुंगाना लाई निस्वार्थ रुपले स्वास्थ सेवा प्रबाह गरेकोले सम्मानित गरियको थियो ।
कार्यक्रमको संचालन कार्यक्रम तयारी उपसमिति संंयोजक शशी श्रेष्ठले गर्नुभएको थियो ।
