टीकापुर । कैलालीको गौरीगंगा नगरपालिका वडा नम्बर १ का वडाअध्यक्ष जगतराम चौधरीको मोटरसाइकल तोड्फोड गरेको आरोपमा एकजना स्थानियलाई प्रहरीले पक्राउ गरेको छ । सो आरोपमा स्थानिय रमेश चौधरीलाई प्रहरीले पक्राउ गरेको हो ।
आइतबार साँझ रमेशले वडाध्यक्षको से १ ब ६७७ नम्बरको सरकारी मोटरसाइकल बन्चरोले तोड्फोड गरेका इलाका प्रहरी कार्यालय मालाखेतीले बताएको छ ।
इलाका प्रहरी कार्यालय मालाखेतीका अनुसार रमेश चौधरीविरुद्ध वडाध्यक्षले सार्वजनिक मुद्दा दर्ता गराएका छन् ।
स्थानीयले वडाध्यक्षले मादकपदार्थ सेवन गरेको दाबी गरेका छन्। तर वडाध्यक्ष चौधरीले माघीको शुभकामना आदानप्रदानको समयमा रोकिएको मोटरसाइकलमा रमेशले बन्चरो प्रहार गरेको बताए ।
तर रमेशले मोटरसाइकल तोडफोड किन गरेका हुन भन्नेबारे स्पष्ट कुरा आएको छैन । रमेशको मानसिक अवस्था कमजोर भएको प्रहरीले जनाएको छ।
