खेम राज पाण्डेय,
भजनी । कैलालीको जोशीपुरमा प्रहरीकै अगाडिबाट एक युवक हतकडीसहित फरार भएका युवक पक्राउ गरिएको छ। जिल्लाको जोशीपुर गाउँपालिका–४ वाणी बस्ने शम्भु चौधरीका छोरा २८ वर्षीय शंकर चौधरी हतकडीसहित फरार चौधरीलाई जोशीपुर ४हस्नापुर बाट पक्राउ गरेको हो ।
शंकरलाई प्रहरीले कुटपिटको आरोपमा समातेको थियो। उनले आफ्नै पितामाथि कुटपपिट गरेको उजुरी परेपछि प्रहरीले उनलाई घरबाटै समातेको थियो । ईलाका प्रहरी कार्यालय जोशीपुरको प्रहरी टोलिले शंकरलाई हतकडी लगाएर ल्याउने क्रममा स्थानीय पथरैया नदीमा हाम फालेर भागेको थियो।
फरार भएका शंकरको खोजीतलासी गर्ने क्रममा जोशीपुर ४ हस्नापुरबाट ७ बजे २५ मिनेटमा ईलाका प्रहरी कार्यालय भजनी र ईलाका प्रहरी कार्यालय जोशीपुरले पक्राउ गरेको हो।निजको घरमा खोजीतलासी गर्ने क्रममा ४७ किलो सुकाएको गाँजा बरामद गरेको जिल्ला प्रहरी कार्यालय कैलालीका प्रहरी नायव उपरीक्षक वेदप्रकाश जोशीले बताए ।
