मलवारा समाचारदाता
झलारी १६ साउन । काम गर्न नसक्दा कञ्चनपुरमा एक अर्व ४२ करोड बजेट फ्रिज भएको छ । गत आर्थिक बर्षमा काम गर्न नसक्दा एक अर्व बढी वजेट फ्रिज भएको हो ।
आर्थिक बर्ष २०७६–२०७७ मा चालु र पुँजीगततर्फ गरी ११ अर्ब २२ करोड २४ लाख रुपैयाँ रहेकोमा ९ अर्ब ८० करोड १७ लाख ३३ हजार ८ सय ८४ रुपैयाँ खर्च भएको कोष तथा लेखा नियन्त्रक कार्यालय कञ्चनपुरका सूचना अधिकारी जनककुमार चौधरीले जानकारी दिएका छन् ।
फ्रिज भएको रकम मध्ये पुँजीगत ७६ करोड ३९ लाख रुपैयाँ रहेको छ भने चालुतर्फ ६५ करोड ६७ लाख रुपैयाँ रहेको छ ।
यस्तै चालुतर्फ ६ अर्ब ९५ करोड ६८ लाख खर्च भएको छ भने पुँजीगत तर्फ २ अर्ब ८४ करोड ४८ लाख रुपैयाँ खर्च भएको कोष तथा लेखा नियन्त्रक कार्यालयले जनाएको छ ।
