टीकापुर । पूर्वपश्चिम राजमार्गमा भएको दुर्घटनामा १ जनाको मृत्यु भएको छ ।
प्रहरीका अनुसार कैलालीको वर्दगोरिया गाउँपालिका–२ राजमार्गमा बा. ७८ प ३६४६ नम्बरको मोटरसाईकलले ठक्कर दिँदा साईकल यात्रीको मृत्यु भएको हो ।
मृत्यु हुनेमा कैलालीकै जोशीपुर गाउँपालिका–४ हस्नापुरका ३६ वर्षीय डाटाप्रसाद चौधरी रहेका छन् ।
शुक्रबार राति मोटरसाइकलको ठक्करबाट गम्भीर घाइते भएका चौधरीको वौनियास्थित बर्दगोरिया अस्पत्तालमा उपचार हुन नसकेपछि धनगढीस्थित निसर्ग अस्पताल पठाइएको थियो । उपचारका क्रममा निसर्गमा उनको मृत्यु भएको प्रहरीले जनाएको छ ।
प्रहरीले मोटरसाईकल र मोटरसाईकल चालक कैलालीकै लम्कीचुहा नगरपालिका–७ का २७ वर्षीय सनम चौधरीलाई प्रहरीले नियन्त्रणमा लिएको बताइएको छ ।
