धनगढी । कञ्चनपुरको पुनर्वास नगरपालिका–११ डोकेबजारबाट लागूऔषधसहित दुई जना पक्राउ परेका छन । आइतबार साँझ लागूऔषध सहित कैलालीको भजनी नगरपालिका–८ का २३ वर्षिय बिनोद शाह र भजनी नगरपालिका–१ का २२ वर्षिय अर्जुन बिक पक्राउ परेका हुन ।
उनीहरुको साथबाट ४५ ट्याब्लेट नाट्रोजेपाम र १२ क्याप्सुल स्पास अबैध लागू औषध बरामद गरिएको सुदूरपश्चिम प्रदेश प्रहरी कार्यालय धनगढीले जनाएको छ ।
भारतबाट नेपाल तर्फ आउदै गरेको अवस्थामा उनीहरुलाई ईलाका प्रहरी कार्यालय त्रिभुवनवस्ती र प्रहरी चौकी परासनबाट संयुक्त रुपमा खटिएको प्रहरी टोलीले शंका लागि चेकजाँच गर्दा लागूऔषध बरामद गरेको हो ।
