टीकापुर । बर्षाले टीकापुर नगरपालिका वडा नं. ६ पर्सेनी र भवानपुरको बिच भागमा रहेको खोलामा पानीको सतह बढेको छ । अझै केहि समय बर्षा भएमा सो ठाउँ आसपासका घरहरु डुबानमा पर्न सक्ने अवस्था छ ।
हिजो (शुक्रबार) सत्ती प्रहरी चौकीमा प्रमुख भएर आएका प्रहरी नायव निरिक्षक चंख बहादुर कठायतले दिएको जानकारी अनुसार पर्सेनी र भवानपुरको बिचको खोलामा पानीको सतह माथिल्लो भागसम्म आएको छ ।
सो ठाउँमा पानीको सतह आवतजावत गर्ने सडक माथिसम्म पानी आएको र आवतजावत गर्दा करिब साढे १ फिट पानीबाट आवतजावत गर्नुपर्ने बाध्यता रहेको समेत कठायतले बताए ।
यसैगरी टीकापुर नगरपालिका वडा नं. ७ स्थित सुन्दरपुर टोलमा पनि सुनसुनैयाँ र गैरी खोलामा पानीको सतह बढेको छ । पानीको सतह बढेपछि सुन्दरपुर गाउँ डुबानमा पर्नसक्ने अवस्था देखिएको नारायणपुर जेशिजका पुर्व अध्यक्ष शम्भु कडायतले जानकारी दिए ।
