टीकापुर । आज दिउँसो प्रहरीले कैलालीका २ स्थानबाट कूल ६ सय ३० मिलिग्राम ब्राउनसुगरसहित २ जनालाई पक्राउ गरेको छ ।
टीकापुर नगरपालिका–१ ब्लक नं. ९ स्थित सडकबाट ५ सय मिलिग्राम र गोदावरी नगरपालिका–५ गेटाको खुनाटोलबाट १ सय ३० मिलिग्राम ब्राउनसुगरसहित २ जना पक्राउ परेका हुन् ।
प्रहरीका अनुसार टीकापुरबाट कैलालीकै जानकी गाउँपालिका–९ का २८ वर्षीय ललितसिंह बिक र गोदावरीबाट खुनाटोलकै २५ वर्षीय हरिकुमार खुनालाई ब्राउनसुगरसहित पक्राउ गरिएको हो ।
दुबै जनालाई प्रहरी गस्ती टोलीले शङ्काको आधारमा चेकजाँच गर्दा उक्त पदार्थ फेला परेको बताइएको छ । दुबै जनालाई नियन्त्रणमा लिएर अनुसन्धान भइरहेको प्रहरीले जनाएको छ ।
