कैलालीमा एक युवकमाथि हतियार प्रहार, उदय फरार, जीवन पक्राउ

शेयेर गर्नुहोस

टीकापुर । कैलालीको जानकीमा एक युवकमाथि धारिलो हतियार प्रहार गरिएको छ ।

बिहीबार राति जानकी गाउँपालिका–९ मा पुर्वखैरी फाँटाका २३ वर्षीय हेमराज गिरीमाथि धारिलो हतियार प्रहार गरिएको हो ।

इलाका प्रहरी कार्यालय टीकापुरले दिएको जानकारी अनुसार ती युवकमाथि सोही स्थानका २४ वर्षीय उदय बिक र ३१ वर्षीय जीवन भारतीले धारिलो हतियार प्रहार गरेका हुन् ।

हतियार प्रहारबाट गिरीको टाउकोमा चोट लागेको छ। उनको नेपालगन्जमा उपचार भइरहेको प्रहरीले जनाएको छ। हतियार प्रहार गर्ने भारतीलाई प्रहरीले चिसापानीबाट पक्राउ गरेको छ भने उदय विक फरार छन् । उनको खोजीकार्य भइरहेको प्रहरीले जनाएको छ ।