डोटी अस्पताल प्रयोगशालाः सुदूरपश्चिमका थप ३१ जनामा संक्रमण पुष्टि

शेयेर गर्नुहोस

धनगढी । जिल्ला अस्पताल डोटीको प्रयोगशालामा गरिएको परीक्षणमा सुदूरपश्चिमका थप ३१ जनामा संक्रमण पुष्टि भएको छ ।

पछिल्लो २४ घण्टामा ७७ जनाको कोरोना परीक्षण भएकोमा डोटीका २४ र अछामका सात जना गरी ३१ जनामा संक्रमण पुष्टि भएको हो ।

अस्पतालका प्रयोगशाला इन्चार्ज शौरभ श्रेष्ठका अनुसार डोटीको सुल्लेखका २१ पुरुष, शिखर नगरपालिका–१ का दुई पुरुष र केआईसिंह गाउँपालिका–४ का एक पुरुषमा संक्रमण पुष्टि भएको हो ।

त्यस्तै अछामको रामारोशन गाउँपालिकका दुई महिला र दुई पुरुष गरी चारजना, बान्नीगढी जयगढ गाउँपालिकाका तीन पुरुषमा संक्रमण पुष्टि भएको श्रेष्ठले बताए ।

आज नै डडेल्धुरा अस्पतालको प्रयोगशालामा भएको परीक्षणमा सुदूरपश्चिमका ५६ जनामा संक्रमण पुष्टि भएको थियो । योसंगै सुदूरपश्चिममा कोरोना संक्रमितको संख्या ६ हजार नाघेको छ भने झण्डै पाँच हजार संक्रमण मुक्त भएको दावी गरिएको छ । संक्रमण पुष्टि भएका १४ जनाको भने मृत्यु भएको छ । दिनेश खबर

ताजा खबर

मेवाबारे मिथकः गर्मीमा खानु हुन्छ कि हुँदैन ?

कैलालीको जानकी र धनगढीबाट लागुऔषधसहित ३ जना पक्राउ

कैलाली र कञ्चनपुरबाट अवैध सामान बरामद

amazed

Leave a Reply

Your email address will not be published. Required fields are marked *