कैलालीको खक्रौलाक्षेत्रबाट तस्करी रोकिएन, आर्थिक वर्षको हालसम्म १८ लाख ३० हजार सम्मको अबैध सामान बरामद

शेयेर गर्नुहोस

मान वहादुर ठकुल्ला
टीकापुर । कैलाली जिल्लाको दक्षिणपुर्विक्षेत्र बाट सीमा तस्करी बढेको छ । नेपाल भारत सिमानामा रहेको मोहना नदीबाट तस्करले मध्यराती डुंगा प्रयोग गर्दै तस्करीका बिभिन्न सामान आहोरदोहोर गर्दै आएका छन ।
नेपालबाट केराउ लगायतका सामान र भारतबाट कपडा, हार्डवयर, किराना लगायतका सामानको तस्करी भैरहेको छ ।
कैलालीमा निषेधाज्ञा छ । तरपनि भारतबाट नेपालमा सीमाक्षेत्रमा बिभिन्न सामानको तस्करी हुँदैछ । यसमा कसको कमजोरी हो जो कोहिले पनि सजिलै बुझ्न सक्ने अवस्था भएको स्थानिय दिलिप साउँदले बताए ।
उनले भने तस्करीमा शसस्त्र प्रहरी र जनपद प्रहरीको संलग्नता छ । आफुलाई चोखो छु र तस्करहरुसंग आफ्नो मिलोमतो छैन भनेर बिभागका माथिल्लो स्तरका अधिकृतको चित्त बुझाउन फाट्टफुट्ट तस्करीका सामान बरामद गरी भन्सार बुभाएको समेत साउँदले बताए ।
केहि तस्करीका सामान नेपाल प्रहरी तथा शसस्त्र प्रहरीको सक्रियतामा बरामद गरी भन्सारलाई बुझाइएको छ ।
तर प्रहरीले यो आर्थिक वर्षको करिब साढे एक महिनामा मात्र २६ लाख ४८ हजार ९ सय ७१ रुपैयाँ बराबरको अबैध सामान नेपाल भित्र्याउदै गर्दा बरामदगरी सत्ती भन्सार कार्यालय खक्रौलालाई बुझाएको छ ।
आर्थिक वर्षको साउन र भाद्र महिनाको १८ गते सम्ममा नेपाल प्रहरी र शसस्त्र प्रहरीले उक्त सामान बरामद गरी भन्सार कार्यालयलाई बुझाएको हो ।
डेढ महिनाको अबधिमा नेपाल प्रहरीले १८ लाख ३० हजार ७ सय ४८ रुपैयाँ बराबरको तस्करीको सामान बरामद गरी भन्सार कार्यालयलाई बुझाएको हो ।
यस्तै शसस्त्र प्रहरीले ८ लाख १८ हजार २ सय २३ रुपैयाँ बराबरका बिभिन्न तस्करीका सामान बरामद गरी सत्ती भन्सार कार्यालयलाई बुझाएको सत्ती भन्सार कार्यालय प्रमुख रामराज प्रसाद चौरसियाले बताए ।
यसैगरी डेढ महिनाको अबधिमा चोरी निकासीमा आवद्ध ८ जनालाई समेत प्रहरीले पक्राउ गरी भन्सार कार्यालयमा बुझाएको उनले जानकारी दिए ।
सामान चोरि तस्करी संग्लग्नमा पक्राउ परेकाहरुबाट धरौटी बाफत १८ लाख ७८ हजार १ सय ५८ समेत राजस्व उठेको पनि भन्सार प्रमुख चौरासियाले मलवारालाई बताए ।
आर्थिक वर्षको डेढ महिना यता कपडा, मोबाईलका पार्टस, सुर्तीजन्य पदार्थ लगायतका सामानहरु पक्राउ गरिएको शसस्त्र प्रहरी सिमा सुरक्षा बल खक्रौलाका प्रमुख शसस्त्र प्रहरी निरिक्षक पदमराज भट्टले बताए ।

ताजा खबर

amazed