टीकापुर । टीकापुर नगरपालिका वडा नं. १ व्यवसायक्षेत्रमा संचालित एकता बचत तथा ऋण सहकारी संस्थाको आयोजना आज बृक्षारोपण गरिएको छ ।
टीकापुर नगरपालिका वडा नं. १ स्थित टीकापुर नर्सरी वन संरक्षण समितीमा ३ हजार १ सय बोटबिरुवा बृक्षारोपण गरिएको हो । २ हजार बोट सिसम, ५ सय खयर, ५ सय लिप्टीस र १ सय बोट डालेघाँस बृक्षारोपण गरिएको हो ।
बृक्षारोपण कार्यक्रममा प्रदेश सांसद रण बहादुर रावल, टीकापुर नगरपालिका प्रमुख तपेन्द्र वहादुर रावल, टीकापुर नगरपालिका वडा नं. ५ का वडा अध्यक्ष रामशंकर डगौंरा थारुको उपस्थिती रहेको थियो । भने उहाँहरुले समेत बृक्षारोपण गर्नु भएको थियो ।
यसैगरी उक्त कार्यक्रममा बिभिन्न राजनितीकदलका पदाधिकारी, समाजसेवी, सुरक्षाकर्मी, सञ्चारकर्मी लगायतकोपनि उपस्थिती रहेको थियो ।
रानी जमरा कुलरिया सिँचाई आयोजना र शब डिभिजन बन कार्यालय टीकापुरले बृक्षारोपण गरिएका बोटबिरुवाहरु उपलब्ध गराएको एकता बचत तथा ऋण सहकारी संस्थाका अध्यक्ष झपट बहादुर बुढाले मलवारालाई बताउनुभयो ।
बृक्षारोपण कार्यक्रमलाई न्यू प्रगतीशिल युवा समाज व्यवसायक्षेत्रले सहयोग गरेको समेत बुढाले जानकारी दिनुभयो ।
