मान बहादुर ठकुल्ला ।
टीकापुर / कैलाली जिल्लाको दक्षिणपुर्वि नेपाल–भारत सीमानाका १३ सीमा स्तम्भ हराएका छन ।
टीकापुर नगरपालिका अन्र्तगतका नेपाल भारत सीमानाका मुख्य ६ सीमा स्तम्भ मध्य ३ सीमा स्तम्भ र २५ सहायक सीमा स्तम्भ मध्य १० सीमा स्तम्भ हराएका हुन ।
सशस्त्र प्रहरी सीमा सुरक्षा बल खक्रौलाका प्रमुख प्रहरी निरिक्षक पदम राज भट्टका अनुसार टीकापुर नगरपालिकाभित्र ६ मुख्य र २५ सहायक सीमा स्तम्भ रहेकोमा ३ मुख्य र १० सहायक सीमा स्तम्भ हराएका छन ।
भट्टले मलवारालाई दिएको जानकारी अनुसार मुख्य सीमा स्तम्भहरु ७०१, ७०३ र ७०४ हराएका छन भने हराएका सहायक स्तम्भहरु ७०१–१, ७०२–१, ७०२–२, ७०२–३, ७०२–४, ७०२–५, ७०२–६, ७०२–७, ७०४–६ र ७०५–३ रहेका छन ।
‘यो वर्ष सीमास्तम्भ मर्मतको काम भयो, नेपाल र भारत मिलेर सीमानामा रहेका स्तम्भ स्तरोन्नति गर्ने कार्य भयो । तर हराएका सीमास्तम्भ पुर्ननिर्माण बारे केही पहल नभएको प्रहरी निरीक्षक भट्टले बताए ।
यस वर्ष कर्णाली नदीले दुई देशको दशजगा क्षेत्रमै वैशाख महिनाको पहिलो सातादेखि नै कटान शुरु गरेको थियो ।
नदी कटानले यस वर्ष श्रीलङ्काक्षेत्रको जमिन कटानका साथै नेपाल भारत सीमानाका सीमा स्तम्भपनि बगाउको छ । कर्णाली नदीले मात्र होइन, सीमा क्षेत्र भएर बग्ने मोहना नदीले पनि सीमास्तम्भ बगाउँदै आएको छ ।
सीमास्तम्भ नदी कटानमा परेपछि नेपाल–भारतबिच सीमा बिबाद हुँने संकेत देखिएको छ ।
यस्तै कैलाली स्थित नेपाल भारत सीमानामा बचेका सीमा स्तम्भ समेत नदी कटानको जोखिममा छन । तर बचेका सीमा स्तम्भहरु समेत बचाउने प्रयास नभएको स्थानिय बासिन्दाहरु बताउछन ।
