मान बहादुर ठकुल्ला /
भजनी । कैलालीको भजनी नगरपालिकामा सुदुर पश्चिम प्रदेश ट्राफिक प्रहरी कार्यालय अतरियाका प्रमुख प्रहरी उपरीक्षक बामदेव गौतमले आज ट्राफिक प्रहरी बिटको उद्घघाटन गर्नु भएको छ ।
भजनी नगरपालिकाको सहयोगमा १ लाख ३५ हजार रुपैयाँको लागतमा निर्माण गरिएको ट्राफिक प्रहरी बिटको उहाँले उद्घाटन गर्नु भएको हो ।
नगरपालिकाको वडा न ३ भजनी बजारमा एक कार्यक्रमका बिच बिटको उद्घघाटन तथा सचेतना मुलक कार्यक्रम सम्पन्न भएको हो ।
भजनी नगरपालिकाका प्रमुख शेर बहादुर चौधरीको सभापतित्वमा भएको कार्यक्रममा प्रमुख अतिथि सुदुरपश्चिम प्रदेश ट्राफिक प्रहरी कार्यालय अतरियाका प्रमुख बामदेव गौतम रहनु भएको थियो ।
प्रमुख अतिथि गौतमले भजनी नगरपालिकाले ट्राफिक प्रहरी बिट बनाई सहयोग गरेकोमा धन्यबाद ब्यक्त गर्नु भयो । यस क्षेत्रमा हुने सवारी दुर्घटना न्युनिकरण गर्नका लागि ट्राफिक प्रहरी सदैब लागि पर्ने बताउनु भयो ।
कार्यक्रममा भजनी नगरपालिकाका उप प्रमुख छाँया देबकोटाले समेत मनतव्य राख्नु भएको थियो । कार्यक्रममा स्थानिय नेता कार्यक्रर्ता तथा सबैसाधारणहरुको समेत सहभागिता रहेको थियो ।
