कांग्रेसले २९ गते देशभर प्रदर्शन गर्ने

शेयेर गर्नुहोस

काठमाण्डौ । प्रमुख विपक्षी नेपाली कांग्रेसले यही मंसिर २९ गते देशभर प्रदर्शन गर्ने भएको छ । वरिष्ठ नेता रामचन्द्र पौडेल माथि बुधबार तनहुँमा भएको धरपकडबारे छलफल गर्न पदाधिकारी र पूर्व पदाधिकारीहरुको आज बसेको बैठकले २९ गते देशैभर सडक प्रदर्शन गर्ने निर्णय गरेको हो ।

वरिष्ठ नेता पौडेल माथि भएको दुर्व्यवहार, कोरोना नियन्त्रणमा सरकारको असफलता र कोरोनाको नियन्त्रण गर्ने नाममा भएको भ्रष्टाचारको विरोधमा प्रर्दशन गर्ने निर्णय भएको उपसभापति विमलेन्द्र निधिले जानकारी दिए ।

देशव्यापी हुने विरोध प्रर्दशनको अगुवाई केन्द्रीय नेताबाट हुने बताइएको छ । प्रर्दशनका लागि भ्रातृ तथा शुभेच्छुक संस्थालाई समेत खटाइने भएको छ । शीर्ष नेताको बैठकमा नेता पौडेलले तनहुँको घटनाक्रम बारे जानकारी गराएका थिए।

ताजा खबर

भक्तपुरको दुईपोखरीमा डुबेर एक पुरुषको मृत्यु

amazed