टीकापुर । टीकापुरमा भारतबाट कोइला बोकेर टीकापुर बजारतिर आउदै गरेको भारतीय नं. प्लेटको ट्रक गए राती पल्टिएको छ ।
टीकापुर नगरपालिका वडा नं. १ लम्की पुल नजिक ट्रक पल्टिएको हो ।
ट्रक पल्टिदा चालक रजाद खान घाइते भएका छन । उनको हातमा चोट लागेको बताइएको छ ।
नेपाल भारत सीमाना नजिकको बन्बीरपुर बाट सो ट्रक कोइला बोकेर दुर्गौली स्थित अनन्द इट्टाभट्टामा आउदै गरेको बताइएको छ ।
लम्की पुल टीकापुर बसपार्कदेखि करिब १ किलोमिटर दक्षिणतर्फ छ । लम्की पुल भत्काएर नयाँ पुल निर्माण हुन लागेको र आवतजावत गर्न पुल तलबाट सडक बनाइएको छ ।
सडक साँघुरो बनाइएको र नयाँ माटो पटानी गरेकाले कोइला बोकेको ट्रक सडकबाट चिफ्लिएर पल्टिएको हो ।
