banner

कैलालीमा संक्रमित बढेपछि गेटा मेडिकल कलेजमा आइसोलेसन बन्दै

शेयेर गर्नुहोस

धनगढी । सुदूरपश्चिम प्रदेशको कैलालीमा कोरोना संक्रमणको दोस्रो लहरले दैनिक ठुलो संख्यामा मानिस प्रभावित हुन थालेपछि गेटा मेडिकल कलेजमा आईसोलेसन कक्ष निर्माण भइरहेको छ ।

सेती प्रादेशिक अस्पतालमा रहेको ६० बेडको आईसोलेसन कक्षमा बिरामीको चाप बढ्न थालेपछि गेटा मेडिकल कलेजमा आइसोलेसन निर्माण गर्न थालिएको हो ।

दुई हजार बेडको आइसोलेसन बनाउने लक्ष्य रहे पनि तत्काल १०० बेड क्षमताको आइसोलेसन निर्माण भइरहेको हो । पछि क्रमशः शय्या विस्तार गर्दै लैजाने बताइएको छ ।

कैलालीका प्रमुख जिल्ला अधिकारी खगेन्द्रप्रसाद रिजालको अध्यक्षतामा जिल्ला विपत् व्यवस्थापन समितिको बैठक बसेर गेटा मेडिकल कलेज भवनमा आईसोलेसन निर्माणका लागि प्रदेश सरकारलाई सिफारिस गरेको थियो ।

मेडिकल कलेजमा सुदूरपश्चिम प्रदेश सरकारको सहयोगमा आईसोलेसन कक्ष निर्माण गरिएको हो । आईसोलेसन कक्ष निर्माणमा धनगढी उपमहानगरपालिका र गोदावरी नगरपालिकाको पनि सहकार्य रहेको जिल्ला प्रशासन कार्यालय कैलालीका सूचना अधिकारी शिवराज जोशीले जानकारी दिए । निकट भविष्यमै बिरामी भर्ना गर्न सुरु गरिने उनले बताए ।

गोदावरी नगरपालिकाका नगर उपप्रमुख रत्ना कडायतका अनुसार गोदावरी नगरपालिका र धनगढी उपमहानगरपालिकाको सहकार्यमा आईसोलेसन कक्ष निर्माण कार्य अघि बढेको बताइन् ।

‘दुई हजार बेडको लक्ष्य रहे पनि आवश्यकता अनुसार बेड संख्या थप्दै जानेगरी काम भइरहेको छ,’ उनले भनिन् ।

यतिबेला कैलालीमा संक्रमण र मृत्युदर बढ्दै गएकाले स्वास्थ्य सुरक्षामा ध्यान दिन उनले सबैलाई आग्रह गरिन् ।

यसअघि धनगढी उपमहानगरपालिका–१५ मा रहेको २०० बेडको आईसोलेसन कक्ष निर्माण भईसकेको छ । कैलालीमा कोरोनाका कारण हालसम्म ६८ जनाको मृत्यु भएको छ भने ७ हजार ५६१ जना संक्रमित छन् । (साभारः रातोपाटी)

ताजा खबर

टीकापुरका युवाहरु बिपद् व्यवस्थापनका लागि जुटे

निषेधाज्ञामा पनि कैलालीका वनमा चोरी शिकारी बढयो

उपनिर्वाचनः कोरोना संक्रमित २७ जनप्रतिनिधिले गरे मतदान

बाँकेमा जेठ २४ गतेसम्म निषेधाज्ञा लम्ब्याइयो

amazed
corona alert

Leave a Reply

Your email address will not be published. Required fields are marked *

error: Content is protected !!