मान बहादुर ठकुल्ला
टीकापुर । कैलालीको एक सामुदायिक वनबाट रुख काट्ने बिभिन्न औजारसहित दुईजना पक्राउ परेका छन ।
मोहोन्याल गाउँपालिका वडा न ७ स्थित संगम सामुदायिक वन उपभोक्ता समूह भित्र काठ चिर्दै गरेको अवस्थामा काठ र काठ चिरान गर्ने बिभिन्न औजार सहित दुईजना लाई पक्राउ गरेको ईलाका प्रहरी कार्यालय सुगरखालका प्रमुख प्रहरी नायब निरिक्षक राजेन्द्र कुमालले जानकारी दिएका छन ।
पक्राउ पर्नेमा ईलाम फाल्गुनानन्द गाउपालिका वडा न.ं ७ का २४ बर्षिया अर्जुन लिम्बु र बिष्णु लिम्बुलाई पक्राउ गरिएको कुमालले मलवारालाई जानकारी दिएका छन ।
उनिहरुको साथबाट विभिन्न साईजका ५६ थान कडी, ७ फिटे पटरा ३६ थान र काठ चिर्न प्रयोग गरिने औजारहरु समेत बरामद गरिएको जनाईएको छ ।
पक्राउ परेका लिम्बुलाई आवश्यका कारवाहीका लागि संगम सामुदायिक वनका अध्यक्ष डन्डी प्रसाद भण्डारीको जिम्मा लगाईएको समेत कुमालले जानकारी दिए ।
उक्त घटनामा अन्य व्यक्तिको समेत संलग्नता रहेको हुनसक्ने स्थानिय बासिन्दाले बताएका छन ।
