यज्ञराज उपाध्याय
धनगढी । फारवेष्ट एग्रीकल्चर सोलुसन एण्ड ट्रेडिङ ‘फास्ट नेपालले कैलारी गाउँपालिका–९ गदरियास्थित जनता माविलाई रक्तचन्दनको बिरुवा हस्तान्तरण गरेको छ ।
कृषि क्षेत्रमा कार्यक्रम गर्दै आइरहेको संस्थाले उक्त विद्यालयलाई २० वटा बिरुवा हस्तान्तरण गरेको हो । बहुउपयोगी मानिएको रक्तचन्दन आर्थिक दृष्टिकोणले समेत लाभदायक मानिन्छ ।
संस्थाले कैलारी गाउँपालिकामा कार्यक्रम विस्तार गरेर विभिन्न काम गरिरहेको छ । संस्थाका प्रबन्धक सुगम देउवा पुर्व विद्यार्थीसमेत रहेकाले यससँगै अन्य योजनाहरु समेत रहेको प्रबन्धक स्वयंले एक अनौपचारिक कार्यक्रममा बताएका हुन् ।
विद्यालयको आर्थिक, भौतिक, शैक्षिक विकासका लागि पुर्व विद्यार्थीहरु एक भएर एक पुर्व विद्यार्थी संगठन बनाउने र त्यसैमार्फत सबैसँग सहकार्य गरेर विद्यालयकै विकासको लागि अक्षकोषसमेत बनाइने प्रबन्धक देउवाले बताएका हुन ।
त्यस्तै विद्यालयका प्रध्यानाध्यापक घनश्याम भट्टले उक्त योजनाको स्वागत गर्दै यस्ता काम गर्न पाए विद्यालयको विकासमा थप टेवा पुग्ने बताए । उनले आफुले अध्ययन गरेको विद्यालयका लागि पुर्व विद्यार्थीहरु एक भएर यसै गरि सकारात्मक योजना बनाएर ल्याए विद्यालयले धेरै फड्को मार्ने विश्वास लिएको बताए । त्यस्तै प्रध्यानाध्यापक भट्टले संस्थामार्फत रक्तचन्दन, केरा लगायतका बोटहरु विद्यालयको जग्गामा लगाउन सके आर्थिक समस्या नपर्ने बताए ।
त्यस्तै उक्त विद्यालयमा विगत २८ वर्षदेखि अध्यापन गराउदै आएका डिल्लीराम मिश्रले आफुले पढाएका विद्यार्थी यसरी विद्यालयलाई नै सहयोग गर्न आएको देख्दा निकै खुशी भएको बताए । उनले विद्यालयलाई यसरी नै अरुले पनि सहयोग गरे आफुलाई कुनै कुराको अप्ठ्यारो नपर्ने बताउदै विद्यालयलाई थप सक्दो सहयोग गर्न आग्रहसमेत गरे ।
विद्यालयका प्रध्यानाध्यापक, शिक्षकले राखेको प्रस्तावलाई स्विकार गर्दै संस्थाका प्रबन्धक देउवाले दशैंभित्र एक औपचारिक कार्यक्रम गरेर भुपु विद्यार्थी संगठनको घोषणा गरिने र विद्यालयलाई आवश्यक बोटविरुवा सकेजती उपलब्ध गराउने प्रतिबद्धता गरेका हुन । विद्यालय नजिकै घर भएकाले पनि दशैंको एक महिने फुर्सदिलो समयमा विद्यालयमा कक्षा ९ र १० का विद्यार्थीलाई निशुल्क रुपमा विज्ञान र गणित विषयको ट्युसन पढाउनेसमेत प्रतिबद्धता व्यक्त गरेका हुन जसका लागि विद्यालयले आधिकारिक अनुमती दिनुपर्ने उनको भनाई छ ।
उक्त कार्यक्रमको अवसरमा संस्थाका कार्यकारी व्यवस्थापक यज्ञराज उपाध्यायले संस्थाको बारेमा प्रकाश पार्दै बोटविरुवा विद्यालयका प्रध्यानाध्यापकलाई हस्तान्तरण गरेका थिए । कार्यक्रममा विद्यालयका भुपु विद्यार्थी प्रदिप चौधरी, अविनाश चौधरी, सन्तोष चौधरी लगायतको उपस्थिति रहेको थियो ।
