बैतडी । बैतडीको सुर्नया गाउँपालिका वडा नं. ४ स्थित शनसेरीमाण्डौँका ब्यापारी हत्याको आशंकामा २ जना पक्राउ परेका छन ।
सुर्नया ४ लेकडाँडा निवासी ५६ बर्षका कमलसिंह महरा बिहिबार बिहान मृत अवस्थामा भेटिएपछि अनुसन्धानका लागी त्यहाँ पुगेको प्रहरीको टोलीले हत्या आशंकामा २ जनालाई पक्राउ गरेको हो ।
नियन्त्रणमा लिएका ब्यक्तिहरुको परिचय प्रहरीले गोप्य राखेको छ। घटनाको अनुसन्धान गरिरहेको जिल्ला प्रहरी कार्यालय बैतडीका प्रवक्ता प्रहरी निरिक्षक दर्शन खड्काले बताए ।
मृतक महराको सरीर भरी चोटपटक र निलडामका साथै टाउको र छातीमा गम्भीर चोट रहेकाले उनको हत्या भएको आशंका गरिएको छ । मृतक महरालाई राती १० बजे घरबाट बुहारीले फोन गर्दा घर आउन ढिलो हुने र आफ्ना लागी खाना छोपेर राखिदिन भनेका थिए ।
मृतकको खल्तीमा केहि नगद पैषा र १ पाउ जति पकाएको मासु समेत भेटिएको छ । मृतक महराको घरमा श्रीमति, २ छोरा, १ बुहारी र २ नातिनि रहेका छन् ।
