टीकापुर । कैलालीको बर्दगोरीयाका शिक्षक आन्दोलित भएका छन् । दशैँ तिहार नजिकिदै गर्दा पनी गाउँपालीकाले व्यवस्था गरेको निजी श्रोत तथा वाल विकास तर्फका शिक्षकको तलब निकासामा आनाकानी गरिएको भन्दै उनीहरू आन्दोलित भएका हुन् ।
अन्य शिक्षक झैँ वाल विकास र निजी श्रोत तर्फका शिक्षकको तलब पनि यथाशीघ्र निकासा हुनुपर्ने माग सहित गाउँपालिकामा तालाबन्दी गरिएको शिक्षक माहासँघका अध्यक्ष उदय सीँ बिसीले जानकारी दिए । तालाबन्दी पछि गाउँपालिका बाट हुने सम्पूर्ण कामहरू प्रभावित भएका छन् ।
यस अघि पटक पटक उक्त विषयमा जानकारी गराउँदा पनी गाउँपालिकाबाट गैर जिम्मेवार जवाफ आएको भन्दै शिक्षकहरू थप आक्रोशित भएको अध्यक्ष वासिले बताए । उनले अहिले सम्म कुनै पहल नभएको भन्दै मागको सुनुवाइ नभए भोलि देखि रिले अन्सन लगायतका आन्दोलनका कार्यक्रम गर्ने बताए । अहिले सम्म कहिँकतै बाट पनी पहल भएको छैन , कार्यालयमा अहिले न त अध्यक्ष छन् न त प्रमुख प्रशासकीय अधिकृत नै , ४ बजे सम्म पर्खिन्छौँ ,उनले भने, ुुभोलि बाट थप सङ्घर्षका कार्यक्रम गर्ने छौँ ।
यता हामीले गाउँपालिकाका अध्यक्ष बलिराम डगौरा थारु लाई सम्पर्क गर्दा उनको फोन रिसिभ भएन । गाउँपालिकाका प्रमुख प्रशासकीय अधिकृत अर्जुन सिंह कार्कीले पितृ श्राद्धको कामको लागि आफू शुक्रवार देखी महेन्द्र नगर रहेको बताउँदै यसबारेमा आफलाइ जानकारी नआएको बताए ।
