टीकापुर । टीकापुर नगरपालिका वडा नं. ४ बाघमारामा माछामार्ने क्रममा एकजना स्थानियको मृत्यु भएको छ ।
बाघमाराकै बर्ष ४५ का लिखराम चौधरीको मृत्यु भएको इलाका प्रहरी कार्यालय टीकापुरका प्रमुख प्रहरी नायव उपरीक्षक प्रकाश सापकोटाले मलवारालाई बताउनुभयो ।
माछा पोखरीमा मोटर तान्ने तार नांगो भएकाले करेन्ट लागेर मृत्यु भएको आशंका गरिएको छ । तर पोष्टमार्टम रिपोर्ट पश्चात मात्र पुष्टि हुने सापकोटाले बताउनुभयो ।
मृतकलाई पोष्टमार्टमका लागि टीकापुर अस्पतालमा राखिएको छ भने प्रहरीले उक्त घटनााबरे अनुसन्धान थालेको जनाएको छ ।
