कैलालीमा एकको हत्या, हत्याको आशंकामा श्रीमति सहित ४ पक्राउ

शेयेर गर्नुहोस

टीकापुर । कैलालीमा एक जनाको हत्या गरिएको छ । जिल्लाको धनगढी उपमहानगरपालिका–७ का अन्दाजी २५ वर्षीय रमेश चौधरीको हत्या गरिएकोे हो ।

आज बिहानै घरदेखि करिब ७ सय मिटर टाढा खुटिया खोलाको छेउमा उनको शव फेला परेको र अनुसन्धान गर्दै जादाँ हत्या गरिएको खुलेको जिल्ला प्रहरी कार्यालय कैलालीका प्रमुख, प्रहरी उपरीक्षक विश्व अधिकारीले बताए ।

शुक्रबार साँझ साथीकोमा जान भन्दै घरबाट निस्किएका उनी बिहान मृत अवस्थामा फेला परेका थिए । प्रारम्भिक रुपमा उनको घाँटी थिचेर हत्या गरेको पाइएको प्रहरीले जनाएको छ ।

हत्याको घटना अनुसन्धानका लागि रमेशकी श्रीमती सहित चार जनालाई प्रहरीले पक्राउ गरेको छ । रमेशको घाँटी थिचेर हत्या गरेको पाइएपछि हत्यामा संलग्न भएको आशंकामा रमेशकी श्रीमती सहित चार जनालाई पक्राउ गरेको प्रहरी प्रमुख एसपी अधिकारीले जानकारी दिए ।

पक्राउ परेकाहरुको नाम भने प्रहरीले गोप्य राखेको छ । घटनाका बिषयमा अनुसन्धान भैरहेको प्रहरी प्रमुख एसपी अधिकारीले जानकारी दिएका छन ।

ताजा खबर

नेकपा (माओवादी केन्द्र) टीकापुरको नगर सम्मेलन सुरु

कैलालीको भजनीबाट लागूऔषधसहित तीन जना पक्राउ

amazed

Leave a Reply

Your email address will not be published. Required fields are marked *