टीकापुर । ३ दिन सम्म लगातार परेको अबिरल बर्षापछि आएको बाढी र पहिरोमा परेर देशभर ३० जनाको मृत्यु भएको छ ।
गृह मन्त्रालयका अनुसार आज बिहान सम्ममा देशभर बिभिन्न जिल्लामा बर्षा पछि आएको बाढी , पहिरोमा परेर ३० जनाको मृत्यु भएको हो ।
यस्तै देशभर १२ जना घाईते भएका छन् भने ३२ जना बेपत्ता भएका छन् । जसमा सुदूरपश्चिम प्रदेशमा मात्रै १८ जनाको मृत्यु भएको छ ।
प्रदेशको पहाडी जिल्ला डोटीमा सबै भन्दा बढी १२ जनाको मृत्यु भएको छ भने बैतडीमा ४ जना र डडेल्धुरामा २ जनाको मृत्यु भएको प्रहरीको तथ्याङमा उल्लेख छ ।
यस्तै सुदूरपश्चिममा ७ जना घाइते भएका छन् । बाढीपहिरोमा परी विभिन्न जिल्लाका ७ जना घाईते भएका हुन् । यस्तै बझाङमा पहिरो जाँदा २३ जना बेपत्ता भएका छन् ।
थलारा गाँउपालिका वडा नम्बर ४ डिख्लामा मंगलबार बिहान ४ बजे पहिरो जाँदा २३ जना बेपत्ता भएका हुन् । बेपत्ता हुनेमा गगने सार्कीका एकै घरका १८ जना र नरे पार्कीका घरका ५ जना रहेका छन् । उनीहरुको खोजी कार्य सुरु गरिएको छ ।
कैलालीका बिभिन्न ठाउँमा आएको बाढीले समेत ठुलो धनजनको क्षति भएको छ । क्षतिबारे बिबरण संकलन भएको छैन ।
