फोहोर व्यवस्थापनमा लापरवाही गरिए बिभिन्न रोगको प्रकोप बढ्नेः डा. हेमन्त स्वाँर
टीकापुर । टीकापुर नगरपालिका वडा नं. २ सितापुर रानीकुलो नजिकै बनाइएको फोहोर व्यवस्थापन स्थलबारे स्थानियले बिरोध गर्दै आएका छन ।
स्थानियको बिरोध पछि उक्त स्थानमा टीकापुर नगरपालिकाले फोहोर व्यवस्थापन गर्नका लागि लैजादै गरेको फोहोर फिर्ता ल्याएको छ ।
टीकापुर नगरपालिकाले टीकापुर वडा नं. २ रानीकुलो नजिकै फोहोर व्यवस्थापन स्थल बनाएको छ । तर सो स्थानको करिब ५० मिटर दुरीमा घरहरु छन । फोहोर व्यवस्थापन स्थल व्यवस्थित नभएको र फोहोरका कारण बाताबरण दुर्घन्धित तथा बिभिन्न रोगहरुको प्रकोप बढ्ने सम्भावना भएकाले फोहोर व्यवस्थापन अन्यत्र हुनुपर्ने भन्दै बिरोध गरेको स्थानिय बासिन्दा बताउछन ।
रानी कुलो नजिकै गरिदै आएको फोहोर व्यवस्थापन बारे स्थानियले बिरोध गरेका छन । सो बारे छलफल पश्चात टुंगो लाग्ने र बिकल्पपनि खोजिने टीकापुर नगरपालिका कर्मचारी देवी प्रसाद आचार्यले बताए ।
टीकापुरमा व्यवस्थित फोहोर व्यवस्थापन नहुँदा आगामि दिनहरुमा समेत बिभिन्न समस्याहरु आउन सक्ने सितापुरका कालुराम चौधरी बताउछन । उनले भने–‘टीकापुर नगरपालिकाले यो बिषयलाई गम्भिररुपमा लिनुपर्छ ।’
व्यवस्थित फोहोर व्यवस्थापन भएन भने झाडापखाला, आँउ, जस्ता रोगहरु लाग्नसक्ने टीकापुर पोलिक्लिनिक प्रालिका संचालक डाक्टर हेमन्त स्वाँरले बताए ।
डाक्टर स्वाँरले फोहोरबाट मच्छरहरु उत्पन्न भइ निमुनियाँ, टाइफाइड लगायतका रोगहरुको जोखिम बढ्नसक्ने बताए ।
