गृहमन्त्री बालकृष्ण खाँणद्वारा बाढीपहिरो प्रभावित क्षेत्र निरीक्षण

शेयेर गर्नुहोस

डडेल्धुरा । गृहमन्त्री बालकृष्ण खाँणले बुधबार डडेल्धुराको बाढीपहिरो प्रभावित क्षेत्रको निरीक्षण गरेका छन् ।

उनले प्रधानमन्त्री शेरबहादुर देउवाको जन्मथलो डडेल्धुराको गन्यापधुरा गाउँपालिका १ र ३ मा गएको पहिराबाट पुगेको क्षतिको निरीक्षण गरेका हुन् ।

निरीणका क्रममा गृहमन्त्रीलाई गाउँपालिका अध्यक्ष नवलबहादुर मल्लले बाढीपहिरोबाट भएको क्षतिको विवरण प्रस्तुत गरे। निरीक्षणका क्रममा गृहमन्त्री खाँण प्रधानमन्त्री देउवा जन्मेको गाउँ रुवाखोलासमेत पुगेर पहिरोबाट पुगेको क्षतिबारे जानकारी लिए ।

सोही अवसरमा गृहमन्त्री खाँणले बाढीपहिरो पीडितलाई चाँडै राहतको व्यवस्था गरिने अश्वासन दिलाए । उनले पीडित जनतालाई राहत र घर निर्माणका लागि सरकारले सक्दो सहयोग पुर्‍याउने प्रतिबद्धता व्यक्त गरे ।

हालैको अविरल वर्षासँगै गएको बाढी पहिरोमा परी डडेल्धुरामा तीन जनाको मृत्यु भएको थियो । धनमालको ठूलो क्षति पुगेको थियो ।

गन्यापधुरा–१ मा मात्रै रु एक अर्बभन्दा बढीको क्षति भएको विवरण पेश गरिएको छ । पर्तोल गाउँमा मात्रै दर्जन बढी घर पहिरोको जोखिममा छन् ।

जोखिममा रहेका स्थानीयवासीले आफूहरूका बस्ती सुरक्षित स्थानमा सार्नुपर्ने माग गरेका छन् । उक्त गाउँपालिकामा मात्रै बाढीपहिराबाट २५० घरधुरी जोखिममा रहेको बताइएको छ।

गृहमन्त्री खाँणले बुधबार सुदूरपश्चिम क्षेत्रका डडेल्धुरा, बझाङ र बैतडीका बाढीपहिरो प्रभावित क्षेत्रको निरीक्षण गरिरहेका छन् ।

ताजा खबर

फुटबल विकासको लागि एन्फा र साउदी फुटबल संघबीच सम्झौता

चपली हाइट ३ को एक दृश्यमा अभिनेत्री सुपुष्पा भट्ट

२४ घण्टामै भारतमा थपिए साढे २ लाख कोरोना संक्रमित

प्रधानमन्त्रीको राष्ट्रका नाममा सम्बोधन गर्ने तयारी

काठमाडौमा पनि कोरोनाको बुस्टर डोज

amazed