कैलाली जिल्लाका बिभिन्न ठाउँहरुमा आगामि स्थानिय निर्वाचनबारे निकै चर्चा हुन थालेको छ । साथै बिभिन्न दलहरुबाट क–कसले उम्मेदवारी पाउने हुन भन्ने बारे समेत टिकाटिप्पणी हुदैछ । कैलालीको टीकापुर क्षेत्रमा समेत आगामि स्थानिय निर्वाचन बारे चासो बढेको छ । बिहानपख चिया–पसलमा होस् या साँझपख रक्सी होटेलहरुमा । स्थानिय निर्वाचनकै बहस चल्ने गरेको छ । साथै बिभिन्न राजनितीकदलका बिभिन्न व्यक्तिहरुको नाम समेत आउने गरेको छ । कसैले कुनै दलबाट उनले उम्मेदवारी पाउने हुन भन्छन भने कसैले अर्कैले उम्मेदवारी पाउने हुन भनेर दावी समेत गर्ने गरेका छन । कसैले निकै चासो लिएर कुनै व्यक्तिको समर्थन समेत गर्ने गरेका छन ।
कैलालीका अधिकांश स्थानियतहहरुमा हालका जन प्रतिनिधी देखि दिक्क भएको कुरा समेत सुनिन्छन । मैले फलानो जनप्रतिनिधीलाई मतदान गर्दा पछुतो भयो भन्नेपनि छन । कसैकसैले त खुलारुपमा जन प्रतिनिधीको नाम किटान गरेर अपशब्द प्रयोग गरेका पनि छन । हुनपनि स्वभाविकै हो । जनताको हितमा काम गर्लान । गाउँवस्तीको बिकाशमा गम्भिर बन्नेछन, भनेर बिश्वास गरेका जनप्रतिनिधीको हालसम्मको हर्कतले जनतालाई दिक्क लाग्नु स्वभाविकै हो । जनप्रतिनिधी चुन्ने जिम्मेवारीपनि जनतामा भरपर्दछ । पार्टी र नातालाई छोड्नैपर्छ, असल जनप्रतिनिधी ल्याउनुछ भने । अनिमात्र सम्पूर्ण क्षेत्रको बिकाशमा सकारात्मक परिवर्तन आउनेछ । नभए यसभन्दा पनि गाउँवस्ती का सडक तथा अन्य बिकाशका पूर्वाधारहरु दयनिय अवस्थामा नआउलान भन्न नसकिने अवस्था छ ।
तसर्थ आगामि निर्वाचनमा भरपर्दो उम्मेदवार निर्वाचित गराउन ध्यान दिन आवश्यक छ । हाम्रो मान्छे नभनेर राम्रो मान्छेलाई छानौ । यसकालागि सबै गम्भिर बनौं ।
