कालीकोट । जुम्ला जिल्लाको तिला गाउँपालिकाका वडा नं.३ मा शुक्रबार राति आगलागी हुँदा चारजना बालबालिकाको मृत्यु भएको छ ।
सो आगलागीबाट मानसिह सार्कीका १ बर्षिय छोरा दिपेश, ११ वर्षीया छोरी अनु र ३ वर्षीया छोरी दर्शना तथा १४ वर्षीया भान्जी तिर्सना सार्की रहेको प्रहरीले जनाएको छ ।
‘आगलागीबारे प्रहरीले राति ११ः४५ बजे जानकारी पाएको जनाएको छ । प्रहरी घटनास्थल पुगुञ्जेल आगलागीबाट घरको दोस्रो र तेस्रो तला पूर्णरुपले क्षति भईसकेको स्थानियले जानकारी दिएका छन् । के–कसरी आगलागि भयो भन्ने बारे एकिन जानकारी आउन सकेको छैन ।
