बिभिन्न निर्णयबारे जानकारी
टीकापुर । जानकी गाउँपालिका अध्यक्ष गणेश चौधरीले बिहिबार पत्रकारहरु संग छलफल गर्नुभएको छ ।
छलफलमा अध्यक्ष चौधरीले गाउँपालिकाले बिहिबार गरेको एक कार्यक्रमले बिभिन्न बिषय वस्तुको निर्णय गरेको बताउनु भयो ।
उहाले भन्नुभयो– २०७२ को टीकापुर घटनालाई राजनितीक घटना बनाउनुपर्ने छ । यसकालागि जानकी गाउँपालिकाले सरकारका माथिल्लो निकायसम्म छलफल गर्ने समेत अध्यक्ष चौधरीले बताउनुभयो ।
अहिले कैलालीका बिभिन्न ठाउँहरुमा छाडा पशु चौपायाको ठुलो समस्या छ । साथै छाडा पशु चौपायाले जानकी गाउँपालिकामा समेत समस्या छ । यो समस्या जानकी गाउँपालिकाले मात्र नियन्त्रणको प्रयास गरेपनि समस्या समाान हुन जटिल छ । त्यसैले छाडा गाईबस्तु नियन्त्रण गर्न छिमेकी पालिकाहरु संग पनि सहकार्य गरेर छाडा पशुचौपाया नियन्त्रणको प्रयास गरिनेपनि निर्णय गरिएको अध्यक्ष चौधरीले जानकारी गराउनुभयो ।
जानकी गाउँपालिका नवनिर्वाचित अध्यक्ष गणेश चौधरी स्थानीय निर्वाचन पूर्व यसक्षेत्रबाट पत्रकारिता गर्दै आउनुभएको थियो । उहाँ लामो समय सम्म कान्तिपुर दैनिकमा संवाददाताकोरुपमा कार्यरत हुनुहुन्थ्यो ।
