टीकापुर । कञ्चनपुरमा लागुऔषधसहित दुई जना पक्राउ परेका छन् । पक्राउ पर्नेमा धनगढी उपमहानगरपालिका वडा नम्बर १ पुष्पलाल चोकका ३२ वर्षीय हरीश खड्का र धनगढी ८ बस्ने २७ वर्षीय बिवेक बराल रहेको कञ्चनपुर प्रहरीले जनाएको छ ।
कंञ्चनपुर जिल्लाको ईलाका प्रहरी कार्यालय बेलौरीबाट खटिएको प्रहरीले लौरी नगरपालिका ६ प्रेमनगरमा भारतबाट नेपाल तर्फ आउँदै गरेको से ३ प५६६६ नम्बरको मोटरसाइकल सहित २ जनालाई लागुऔषधसहित पक्राउ गरेको हो ।
जिल्ला प्रहरी कार्यालय कञ्चनपुरले मलवारालाई दिएको जानकारी अनुसार उनीहरुलाई चेकजाँच गर्दा उनीहरुको साथबाट २.७८ ग्राम खैरो हेरोईन फेला पारी पक्राउ गरिएको छ ।
