शेयेर गर्नुहोस
बर्दिया । बर्दियाको बारबर्दिया नगरपालिका–९ स्थित सडकमा भ्यानले ठक्कर दिँदा मंगलवार बिहान एक युवतीको मृत्यु भएको छ ।
प्रहरीले दिएको जानकारी अनुसार भे १ ज १२४१ नम्बरको भ्यानले ठक्कर दिँदा गुलरिया नगरपालिका वडा नं. ४ बालापुरकी २५ वर्षीया मीरा चौधरीको मृत्यु भएको हो ।
भ्यानको ठक्करबाट गम्भीर घाइते भएकी चौधरीको उपचारका लागि मेडिकल कलेज कोहलपुर लैजादै गर्दा मृत्यु भएको हो । भ्यान चालकलाई प्रहरीले नियन्त्रणमा लिएर अनुसनन थालेको जनाएको छ।