टीकापुर । कैलालीको इलाका प्रहरी कार्यालय टीकापुरको मातहतमा रहेको कालाकुण्डा प्रहरी चौकीको टोलीले लागुऔषध खैरो हिरोइन सहित १ जनालाई पक्राउ गरेको छ ।
पक्राउ पर्नेमा कैलाली जिल्लाको लम्कीचुहा नगरपालिका वडा नं. २ मोतीपुरका २५ वर्षीया रेनिस डाँगी रहेको प्रहरीले जनाएको छ ।
सु.प.प्र. ०१००९ प ३५२९ नम्बरको मोटरसाइकलमा आउँदै गरेका डाँगीको साथबाट ८ ग्राम ९१० मिलिग्राम खैरो हिरोईन जस्तो देखिने धुलो पदार्थ फेला परेको जिल्ला प्रहरी कार्यालय कैलालीले जनाएको छ ।
कैलालीको दक्षिणपूर्बि क्षेत्रमा लागुऔषधमा संलग्नहरुलाई पक्राउ गर्दै आएको छ । तरपनि लागुऔषधमा संलग्नहरु नियन्त्रण हुन सकेको छैन ।
