अत्तरिया । कञ्चनपुरमा मोटरसाइकल दुर्घटना हुँदा एक बालकको मृत्यु भएको छ ।
दैजी बेल्डाँडी भित्री सडकखण्डमा दैजीदेखि बेल्डाँडी जाँदै गरेको सु।प।प्र ०२००३ प ४६७१ नम्बरको मोटरसाइकल अनियन्त्रित भएर दुर्घटना हुँदा ८ वर्षीय बालक इसबन्धन ठकुरीको मृत्यु भएको प्रदेश प्रहरी कार्यालय अत्तरियाले जनाएको छ।
दुर्घटनामा अन्य दुईजना घाइते भएका छन् । घाइते हुनेमा मोटरसाइकल चालक भिमदत्त नगरपालिका–६ का ३५ वर्षीय टेकराज भट्ट रहेका छन् । उनको महाराजगञ्जस्थित त्रिवि शिक्षण अस्पताल काठमाडौंमा उपचार भइरहेका जनाइएको छ । उनको अवस्था गम्भिर रहेको प्रहरीले बताएको छ ।
यस्तै सोही मोटरसाइकलमा सवार घाइते भएकी बेल्डाँडी–२ की १२ वर्षीया अर्चना जोशीको अवस्था मध्यम रहेको प्रहरीले बताएको छ । उनको धनगढीस्थित माया मेटो अस्पतालमा उपचार भइरहेको छ।
