टीकापुर नगरपालिका भित्र बिभिन्न योजना निर्माणहरु सुचारु छन । सरकारले बिभिन्न क्षेत्रबाट टीकापुरमा समेत योजना निर्माणहरु गर्दै आएको छ । नगरपालिका, प्रदेश, संघले समेत टीकापुरमा बिभिन्न योजना निर्माणहरु गरेको छ । निर्माणहरु समेत छन । तर प्रदेश र संघले गरेको बिकाश निर्माणमा ठेकेदार कम्पनीको निकै लापरवाही छ । प्रदेश र संघले सम्बन्धित नगरपालिका संग सहमति नगरेर एकलौटी बिकाश निर्माण गर्न थालेपछि ठेकेदार कम्पनीहरुको लापरवाही भएको हो । ठेकेदारले इस्टिमेट अनुसार कुनैपनि निर्माण कार्य सम्पन्न नगरेको ठेकुवा गर्न सकिन्छ । टीकापुरक्षेत्रमा यस्ता बिभिद् समस्याहरु बिगतदेखि देखिदै आएको छ । बिभिन्न योजना निर्माणमा कमिशनको खेल पनि बढ्दै गएको छ । ठेकेदारले कर्मचारीलाई कमिशन दिने धन्दा पनि बढेको छ ।
कर्मचारीले लिएको कमिसनबाट जनप्रतिनिधीलाई समेत त्यही कमिशनको रकम जाने गरेको छ । अनि कसरी योजना निर्माणहरु इस्टिमेट अनुसार निर्माण सम्पन्न हुन्छन होला ? अनि कसरी ती योजनाहरु लामो टिकाउ हुन्छन होला ? टीकापुरका बिभिन्न टोलमा सडक कालोपत्रे भइरहेका छन । सम्बन्धित वडाका कर्मचारीले आफ्नो इच्छयाएको व्यक्तिलाई अध्यक्ष, सचिब बनाएर निर्माण कमिटी गठन गरेका छन । पछि रकम बढी दिने ठेकेदारलाई सडक निर्माणको जिम्मेवारी दिन लगाएका छन र योजनाको रकम निकासी हुँदा कर्मचारी र कमिटीका अध्यक्ष, सचिबले मोटो रकम कुम्याउने गरेका छन । भने कसरी इस्टिमेट अनुसार योजना निर्माण सम्पन्न हुन्छन ?
तसर्थ यस्ता बिषयमा समेत प्रशासनले गम्भिरता पूर्वक लिन नितान्त आवश्यक देखिन्छ । साथै प्रशासनले ठुला योजना निर्माणमा समयमै अनुगमन गर्ने व्यवस्था गर्न समेत जरुरी देखिन्छ ।
