प्रमुख प्रसाशकीय अधिकृत नारायण बहादुर बिष्ट सहितको टोलीद्वारा अनुगमन
टीकापुर । टीकापुर नगरपालिकाका बिभिन्न वडामा आर्थिक अवस्था कमजोर तथा बाढी प्रभावितहरु लाई ५० घर निर्माण गरिएका छन् ।
टीकापुर नगरपालिका र कारीतास नेपाल नामक संस्थाको संयुक्त लगानीमा ती घरहरु निर्माण गरिएका हुन ।
कारीतास नेपालको १ लाख ६० हजार र टीकापुर नगरपालिकाको २ लाख ६० हजार रुपैयाँ लागतमा ती घरहरु निर्माण गरिएका हुन ।
टीकापुर नगरपालिकाका वडा नं. २, ३, ४, ५, ८ र ९ मा ५/५ का दरले घर निर्माण गरिएका छन भने वडा नं. ७ मा २० वटा घर निर्माण गरिएका छन् ।
गैरसरकारी संस्था कारितास नेपालसँगको लागत सहभागीतामा आर्थिक अवस्था कमजोर भएका दलित परिवार तथा बाढी प्रभावित परिवारका लागि घर निर्माण गरिएका हुन ।
टीकापुर नगरपालिका वडा नं. ४ मा स्थानीयले नै आर्थिक अवस्था कमजोर भएका र बाढी प्रभावित परिवारको नाम शिफारिस पश्चात ५ घर निर्माण गरिएको कुरा वडा नं. ४ का वडाध्यक्ष लालविर चौधरीले बताए ।
हिजोका दिनमा वर्षातको समयमा आफ्नो फुस्को घरमा करिब ५ फिटसम्मको सतहमा पानी पसेपछि साना बालबालिका सहतलाई अन्यत्र सार्नुपर्ने बाध्यता थियो । हाल नगरपालिका र कारीतास संस्थाले यो घर निर्माण गरिदिए पछि आफु निकै खुसी भएको वडा नंं ४ कि आसा चौधरी बताउँछिन ।
आफुहरु बिगतदेखि लेबर काम गर्दै आएकोले घर बनाउन समेत नसकेको उनि बताउँछिन । यो पिडामा नगरपालिका र कारीतास नेपालले मल्हम पट्टी गरिदिएको उनको भनाई छ ।
यसैगरी टीकापुर नगरपालिकामा सबैभन्दा बढी घर निर्माण गरिएको वडा नं. ७ प्रतिपुर हो । वडा नं. ७ प्रतिपुर बाढीग्रस्त ठाउँ पनि हो । यो ठाउँमा नगरपालिका र कारीतास नेपालको संयुक्त लगानीबाट २० घर निर्माण गरिएका छन ।
यी घरहरु अवलोकन गर्न टीकापुर नगरपालिकामा भर्खरै सरुवा भएर आएका प्रमुख प्रशासकीय अधिकृत नारायण बहादुर बिष्ट, पत्रकार, लगायतको टोलीले अनुगमन गरेको छ ।
वडा नं. ७ मा निर्माण गरिएका घरहरु अवलोकन गर्नेक्रममा वडा नं. ७ का वडाध्यक्ष यज्ञ न्यौपाने, स्थानीयहरु, प्रमुख प्रशासकीय अधिकृत नारायण बहादुर बिष्ट, कारीतास नेपालका परियोजना संयोजक नरेन्द्र केसी, पत्रकार लगायतको टोली समेतको सहभागिता थियो ।
स्थानीयले छलफल गरेर आर्थिक अवस्था कमजोर भएका, अपांगता भएका र बाढीपिडितहरुको नाम शिफारिस गरेपछि वडा कार्यलयले सहजीकरण गरेको पनि स्थानीयका बिचमा वडाध्यक्ष यज्ञ न्यापानेले जानकारी गराए ।
कारीतास नेपालका परियोजना संयोजक नरेन्द्र केसीले अब २ हप्ताभित्र निर्माण गरिएका घरहरुको रंगरोगन भएर सकिने समेत बताए ।
