टीकापुर । देउडा सांस्कृतिक मञ्चले ‘देउडा आइडल’ आयोजना गर्ने भएको छ ।
शनिबार काठमाडौँमा पत्रकार सम्मेलन गरी सो कार्यक्रम आयोजना गर्ने जानकारी गराएको हो ।
काठमाडौंमा हुने सो कार्यक्रम नेपालमा पहिलो हो ।
देउडा गीत, सङ्गीतलाई स्थानीय स्तरबाट राष्ट्रिय हुँदै अन्तर्राष्ट्रिय स्तरसम्म विशिष्ट पहिचान स्थापित हुने खालका कला र गला भएकाहरूलाई सो कार्यक्रममा सहभागी गराइनेछ ।
कार्यक्रममा लागि सुप्रसिद्ध देउडा गीतका सर्जक नन्दकृष्ण जोशी, तिलक सिंह पेला र टिका पुनलाई निर्णायक मण्डलको रूपमा चयन गरिएको छ ।
कार्यक्रमको मिति भने अर्को पत्रकार सम्मेलनमार्फत सार्वजनिक हुने पनि देउडा सांस्कृतिक मञ्चले जनाएको छ ।
