टीकापुर । कैलालीको जानकी गाउँपालिका स्थानीय आपतकालिन कार्य सन्चालन केन्द्रले असोज १७ गते सम्मका लागि कृषकहरुलाई धान नकाटन आग्रह गरेको छ ।
पालिकाले जल तथा मौसम विज्ञान विभागको पुर्वानुमान अनुसार यस बर्ष मनसुन बहिर्गमन अक्टुबर २ मा भएपनि ढिलो हुने भएकाले धान नकाटन् आग्रह गरेको हो ।
यदि धान काटेको भए तत्काल बालिहरुलाई भित्र्याउन गाउँपालिकाका कृषकहरुलाई आग्रह गरेको छ । गाउँपालिकाले निर्माण गरेको पूर्व सूचना संयन्त्रको प्रयोग गरी पालिका बासीहरुमा म्यासेजका माध्यम बाट समेत जानकारी गराएको जानकी गाउँपालिका वन वातावरण तथा विपद् व्यवस्थापन शाखा प्रमुख नेत्रप्रसाद जैशीले मलवारालाई जानकारी दिनुभएको छ ।
पालिकाले मौसमका बारेमा जानकारी लिन स्थानिय आपतकालिन कार्य सन्चालन केन्द्रले प्रकाशन गर्ने सूचनाहरु नियमित रुपमा हेर्न समेत आग्रह गरेको छ ।
