धनगढी । नेपाली कांग्रेसका सभापति शेरबहादुर देउवाले इलाम–२ मा प्रतिनिधिसभा उम्मेदवारका लागि डम्बरबहादुर खड्का र बझाङ प्रदेशसभा–१ का लागि अभिषेक सिंहको नाम प्रस्ताव गरेका छन् ।
आफ्नै निवास बूढानीलकण्ठमा आयोजित संसदीय बोर्डको बैठकमा देउवाले खड्का र सिंहको नाम प्रस्ताव गरेको जानकारी सहमहामन्त्री महालक्ष्मी उपाध्याय डिनाले दिइन् । ‘सभापतिले खड्का र सिंहको नाम प्रस्ताव गरिसक्नुभएको छ ।
सायद यी दुवैको नामलाई बैठकले अन्तिम रुप दिनेछ,’ उनले भनिन् । संस्थापन इतरले भने इलाममा भेषराज आचार्य र बझाङमा जगत जोशीलाई उम्मेदवार बनाउनुपर्ने अडान लिँदै आएको छ ।
