काठमाडौं । नेपालमा थप ४ सय ८४ जनामा कोरोना भाइरस (कोभिड-१९) संक्रमणको पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशका विभिन्न भागमा ४ सय ८४ संक्रमित थपिएसंगै नेपालमा संक्रमितको कुल संख्या २४ हजार ४ सय ३२ पुगेको छ ।
त्यस्तै पछिल्लो २४ घण्टामा डिस्चार्ज भएर घर फर्किनेको संख्या भने घटेको छ । बुधबार डिस्चार्ज भएर ६४ जना घर फर्किएका छन् ।
त्यसैगरी बुधबार थप आठजनाको कोरोना भाइरसका कारण मृत्यु भएको स्वास्थ्य तथा जनसंख्या मन्त्रालयले जानकारी दिएको छ । मृतकमध्ये दुईजना महिला र छ जना पुरुष रहेका छन् । मन्त्रालयका अनुसार धनुषा जिल्लामा कोरोनाका कारण दुईजनाको ज्यान गएको छ भने धादिङ, काठमाडौं, सप्तरी, मोरङ, कपिलवस्तु र बाराका एकएक जनाको मृत्यु भएको छ ।
