टीकापुर । सेती प्रादेशिक अस्पतालको प्रयोगशालामा सोमबार थप ११ जनामा कोरोना भाइरसको संक्रमण पुष्टि भएको छ ।
पछिल्लो २४ घण्टामा १२२ जनामा कोरोना परिक्षण गरिएकोमा ११ जनामा संक्रमण पुष्टि भएको हो । यस्तै १११ जनाको नै रिपोर्ट निगेटिभ आएको छ । पछिल्लो २४ घण्टामा कोही पनि नयाँ संक्रमित अस्पताल भर्ना भएका छैनन् भने १ जना निको भएर घर फर्किएका छन् ।
अस्पतालले आज जारी गरेको प्रेस नोटमा उल्लेख भए अनुसार हाल अस्पतालमा ९ जना कोरोना संक्रमितको उपचार भइरहेको छ । जसमध्ये ३ जनाको आइसियु र १ जनाको भेन्टिलेटरमा उपचार भईरहेको जनाएको छ ।
यस्तै १ जनाको कोरोनाको कारण आज नै मृत्यु भएको छ । मृत्यु हुने कन्चनपुरको भिमदत्त नगरपालिका (४ की ५७ बर्षिया महिला रहेकी छन् ।
