धनगढी । कैलालीमा ९ ग्राम २७० मिलिग्राम ब्राउन सुगर र ४४ ग्राम ७७० मिलिग्राम चरेस सहित १ महिला पक्राउ परेकी छन् ।
बिशेष सुचनाको आधारमा वडा प्रहरी कार्यालय धनगढी कैलालीबाट खटिएको प्रहरी टोलीले डडेल्धुराको अजयमेरु गाउपालिका वडा नं ४ घर भई हाल धनगढी उप–महानगरपालिका वडा नं १३ राजपुरमा कोठा भाडामा बस्ने बर्ष ३४ कि आशा बिष्टलाई उक्त सामाग्री सहित पक्राउ गरेको हो ।
उनलाई ति सामाग्री कोठामा लुकाई छिपाई राखेको अबस्थामा प्रहरीले चेकिङ गर्दा फेला पारेको हो । उनको साथबाट नेपाली रुपैया १२ हजार दुई सय नगद समेत बरामद गरीएको कैलाली प्रहरीले जनाएको छ । पक्राउ गरिएकी बिष्टलाई लागु औषध मुद्दा शिर्षकमा मुद्धा दर्ता गरी थप अनुसन्धान कार्य भईरहेको प्रहरीले जनाएको छ । (साभारः गोदावरी न्युज)
