धनगढी । नेपाल–भारत सीमा भारतको खजुरिया क्षेत्रबाट डेढ लाख बढी नगदसहित दुई नेपाली पक्राउ परेका छन् । थाना सम्पूर्णा नगर, जनपथ खिरीले प्रेस विज्ञप्ती जारी गर्दै कैलालीको धनगढीका शुभशंकर सिंह र बाबु सिंहलाई एक लाख ६३ हजार नगदसहित पक्राउ गरिएको जनाएको हो ।
विज्ञप्ती अनुसार भारतीय जनपद प्रहरीले उनीहरुलाई एक लाख ४६ हजार २ सय ४० रुपैयाँ नेपाली र १० हजार पाँच सय भारतीय रुपियासहित पक्राउ गरेको छ । उनीहरुको साथमा पाइएको रकम अवैध देखिएकाले बरामद गरिएको भारतीय प्रहरीले बताएको छ ।
एफएसटी र प्रहरीको संयुक्त टिमले घटनाको थप अनुसन्धान गरिरहेको जनपद प्रहरी खिरीले बताएको छ।
