टीकापुर । कैलालीको टीकापुरमा हात्तीको आक्रमणबाट एक महिलाको ज्यान गएको छ ।
टीकापुर नगरपालिका–२ स्थित रानी कर्णाली सामुदायिक वनमा मंगलबार बिहान घाँस काट्न गएकी एक महिलाको हात्तीको आक्रमणमा मृत्यु भएको हो ।
मृत्यु हुनेमा टीकापुर नगरपालिका–१ ब्लक नं. १६ कि ५० वर्षीय जसुता बटाला रहेको ईलाका प्रहरी कार्यालय टीकापुरका प्रहरी निरीक्षक (इन्स्पेक्टर) लोकराज अवस्थीले जानकारी दिए । मृतक बटालाको शव टीकापुर अस्पतालमा राखिएको इन्स्पेक्टर अवस्थीले बताए ।
