टीकापुर । मोबाईल चोरीको आरोपमा तीन जना पक्राउ परेका छन्। टीकापुर नगरपालिका वडा नम्वर २ बस्ने बर्ष १९ का सन्देश बिक र अन्य २ जना बालकलाई पक्राउ गरिएको जिल्ला प्रहरी कार्यालय कैलालीले जनाएको छ।
कार्यालयका प्रहरी नायव उपरिक्षक प्रतिक विष्टले दिएको जानकारी अनुसार टीकापुर नगरपालिका वडा नम्वर ४ मौरनियाका बलिराम थारुले संचालन गरेको मोबाईल ग्यालरीबाट उनीहरुले मोबाईल चोरी गरेको आरोप लागेको छ।
उनीहरुको साथबाट बिभिन्न कम्पनीका मोबाईल ८ थान र चोरी गर्न प्रयोग हुने औजारहरु समेत बरामद गरिएको छ। चोरी शिर्षकमा मुद्धा दर्ता भएको प्रहरीले जनाएको छ। चोरीमा अधिकांश नाबालकहरु रहेको जनाइएको छ ।
